dia mundial do SIDA

No día mundial do SIDA non debemos esquecer que hai unha parte da poboación que por razóns políticas, culturais, económicas etc. é mais vulnerable a contraer esta enfermidade como por exemplo nenas que son obrigadas a prostituírse, prexuízos sociais relacionadas coa sexualidade, dificultan a información necesaria para protexerse do virus; xoves expostos o virus por drogas ( compartir agullas non esterilizadas) ou simplemente porque son pobres, están desamparados, e convértenos en obxectivo fácil para a explotación e os malos tratos vídeo d e Unicef para reflexionar sobre o tema e outros dereitos da infancia

El secreto mejor guardado from UNICEF Educación on Vimeo.

Que facer coa miña vida?

 Vídeo onde podemos comprobar como vai evolucionando o noso obxetivo na vida dende que somos pequenos onde  case temos claro que nos gustaría ser de adultos,  pasando pola  adolescencia ou xuventude que  xurde a incerteza cara a onde tirar, e como nin sequera os adultos temos moi claro cal é o noso propósito na vida .
 Este vídeo acércanos a realidade de todos nos que nalgún momento tivemos que decidir que facer coas nosas vidas e sobre todo na etapa de elixir estudios. 

El poder de la Juventud.

 Este é o lema dunha campaña  entre Unicef e  ING para fomentar  que moitos mozos e mozas  do mundo grazas a diversas aportacións  poidan  formarse, facilitando  ferramentas necesarias  para mellorar o seu  futuroe ademais o das súas  comunidades.

Estes proxectos  desenvolven en Nepal, Zambia, Filipinas,  Indonesia, Kosovo  e Montenegro , adaptandose ás necesidades  concretas de cada país para ofrecer aos seus mozos/as  o que necesiten para desenvolver o seu potencial, formación para empredendores, habilidades  sociais , asesoramento, apoio psicolóxico, orientación laboral..... 

lo que de verdad pensamos sobre adolescentes

Video  para  a reflexión  en clase  sobre  as  actitudes, expectativas,  e profecias  que  ás  veces   se transmiten  dende a  visión adulta   e non  se axustan  a   realidade

Campaña publicitaria sobre a violencia de xénero.

Co  motivo de   reflexionar  xunto co  alumnado  a data comenmorativa ,  da eliminación da  violencia de xénero,   publicamos de  novo esta entrada da pasada primavera  que se difundíu a través dos distintos medios  de comunicación.

"Corta con él y vive tu vida". Este foi  o tema  da campaña contra os malos tratos dirixida a rapazas novas, para  disitinguir unha relación saúdable fronte  a que non é.

Os últimos estudios destacan que cada vez son máis as adolescentes que sofren o control das súas parellas, en xeral a xente nova identifica a violencia co maltrato físico pero non con condutas sutís como illamento, control, celos etc e que soen xustificar como mostras de cariño.
Nos últimos anos detectase un incremento  no número de adolescentes que recoñecen sufrir maltrato por parte das súas parellas, mediante control a través do móbil. Isto motivou a campaña  do ministerio de saúde servicios sociais e igualdade, que se emitiu en prensa, radio, televisión, internet, e  cines,  protagonizada polas actrices Nerea Camacho e Vecky Velilla, onde interpretan a dúas rapazas que sofren o control violento das  súas parellas  e desexan romper o circulo para comezar unha nova vida.

Loitar por un sono.

 Nesta  recta  final  de  curso  onde hai que  tomar decisións  futuras  é moi importante manter  a confianza en nos  mesmos  para  acadar aqueles  retos  polos  que  traballamos,  e  non deixarnos  vencer polo fracaso ou  decepcións. 

A autoestima  e confianza nas nosas  posibilidades, unha actitude de  traballo  e esforzo, a capacidade de superación, a loita polo que desexas, a perseverancia, etc , deben  estar  presentes  mais  que nunca  para   superar  este  último  tramo. 

 No  vídeo  que  se presenta  da boa  conta, desta  actitude 

Puck e o muro

Video de Intermon-Oxfam: Puck y el muro

Que é a violencia de xénero?

Trátase dunha violencia que afecta ás mulleres polo mesmo feito de selo.

Constitúe un atentado contra a integridade, a dignidade e a liberdade das mulleres, independentemente do ámbito no que se produza.

Enténdese por violencia de xénero calquera acto violento ou agresión, baseados nunha situación de desigualdade no marco dun sistema de relacións de dominación dos homes sobre as mulleres que teña ou poida ter como consecuencia un dano físico, sexual ou psicolóxico, incluídas as ameazas de tales actos e a coacción ou privación arbitraria da liberdade, tanto se ocorren no ámbito público coma na vida familiar ou privada. (Lei 11/2007, do 27 de xullo, galega para a prevención e o tratamento integral da violencia de xénero).

A discriminación polo feito  de ser muller os estereotipos etc, son tamén  feitos  violentos  que  debemos  rexeitar dende  a  Educación. Continuando  co material de Unicef  imos  debater  sobre  o dereito a  non discriminación por  sexo ou condicións persoais  coa secuencia de estes  dous  filmes.